Иако се породи пред само три месеци, Џорџина Родригез може да се пофали со одлична фигура на која многу жени би можеле да и позавидат. Вереницата на Кристијано Роналдо ги фрли во транс своите обожаватели објавувајќи фотографија на која позира во провокативен тесен фустан, а со скапите модни додатоци покажа дека не е имуна ниту на жешките трендови…
Свршеницата на фудбалската ѕвезда Кристијано Роналдо, 28-годишната Џорџина Родригез, предизвика вистинска врева на социјалните мрежи благодарение на фотографијата која во преден план ја става нејзината манекенска фигура, на која, се чини, не влијаела нејзината неодамнешна бременост.
Атрактивната бринета позираше во дворот на својот луксузен дом во кој живее заедно со фудбалерот и нивните пет деца, облечена во тесен црно-бел фустан кој ги истакна нејзините витки нозе и трениран задник.
Иако во април го роди девојчето Бела Есмералда, по компликациите при породувањето при што го загуби второто бебе, синот близнак, се чини дека бременоста не влијаела на нејзината линија.
Hermes 660 долари
Убавата Аргентинка го зачини својот стајлинг со скапи модни додатоци. А дека е слаба на дизајнерски брендови, таа откри во својата документарна серија на Нетфликс.
Така таа го издигна својот „изглед“ со ефективни зелени мокасини потпишани од реномираната француска компанија Hermes.
Станува збор за безвременскиот модел ‘Hermès Oran’ кој веќе неколку години е предмет на желба на љубителите на модата, а единствен недостаток му е високата цена која се движи од 500 до 700 долари.
Balenciaga Le Cagole, 2.950 долари
Покрај мокасините, згодната манекенка покажа уште едно тренди парче – чантата „Le Cagole“ со потпис на шпанскиот моден гигант Balenciaga.Овој модел и покрај високата цена од речиси 3 илјади долари има многу обожаватели меѓу кои Ким Кардашијан, Дуа Липа и Џулија Фокс.
