Џулија Робертс со години ја носи титулата „најубави нозе во Холивуд“, а тоа е само едно од признанијата за нејзината убавина. Нејзината насмевка, коса и витка фигура ја прават, според мислењето на многумина, најубавата жена на светот, а за себе скромно вели дека е само домаќинка.
Како мајката на три деца одржува фантастична фигура? Јулија објаснува дека не сака да вежба, но многу и се допаѓа чувството кое го добива после квалитетен тренинг.
Таа поминува околу четири часа неделно вежбајќи, а се труди што почесто да избира здрави оброци, особено салати. Нејзината позната фитнес салата со години е на врвот на најпопуларните и дефинитивно вреди да се проба.
Состојки:
400 гр наут, по можност конзервиран
100 гр млад спанаќ
2 моркови
1 шака ореви
100 гр фета сирење
сол и црн пипер
ЗА ПРЕЛИВ:
3 супени лажици оцет
1 лажица сенф
5 супени лажици маслиново масло
сол и црн пипер
Подготовка:
Наутот добро измијте го, а потоа исцедете го и истурете го во сад за сервирање. Измијте го спанаќот, излупете го морковот и исечете го на тенки ленти и додадете го наутот. Измешајте сè и зачинете, па изматете го преливот и додадете го во салатата.
Сирењето треба да се изренда, оревите да се исецкаат или сомелат, па да се додадат во салатата и да се зачини по вкус и веднаш да се послужат.
Оваа салата може да биде и комплетен летен оброк, бидејќи ќе ви даде доволно количество протеини и влакна. Овие состојки се неопходни за одржување на убава фигура, која Џулија ја покажува во сите прилики – од опуштена прошетка на плажа или пливање, до снимање модни реклами или нови филмови.
