Сладоледот е секогаш добро слатко освежување на летните горештини, а кога е домашен, уште повеќе ни се допаѓа. Нина Гашпар од Сплит, позната и како lady.sarma на Инстаграм, го сподели својот рецепт за домашен сладолед од ф’стаци и малини, за кој не ви треба никаков апарат.
Домашен сладолед од ф’стаци и малини – состојки:
400 мл шлаг
200 гр кисела павлака
3 големи лажици путер од ф’стаци
100 гр малини
1 лажичка течна стевиа
Подготовка:
Изматете го шлагот, па додадете ја павлаката, путерот од ф’стаци и стевиата.
Изблендирајте ги малините со рачен миксер.
Во далбок сад (со капак) ставете слој крем од ф’стаци, потоа слој изблендирани малини.
Ставете го во замрзнувач да се излади околу пет часа.
Сладоледот од ф’стаци отсекогаш ми бил омилен, а во комбинација со малини е уште поспецијален, вели Нина Гашпар од Сплит, мајстор за правење едноставни слатки и солени јадења со малку состојки и горе-долу со малку јаглени хидрати, која ги објавува своите рецепти на Инстаграм профилот lady.sarma. Нејзиниот рецепт за сладолед од ф’стаци и малини нејзините следбеници на Инстаграм го опишуваат како чудо – значи мора да се проба!
