Американскиот модел Хејли Бибер изминативе недели е видена во предизвикувачки изданија, а сега реши да им се врати на омилените основни парчиња. Американската убавица прошета со одличен стајлинг околу безвременските фармерки и спортската „качулка“ и докажа дека кежуал и шик навистина одат заедно…
Сопругата на поп-ѕвездата Џастин Бибер, 25-годишната Хејли Бибер е видена како излегува од популарниот ресторан Нобу во Малибу, а со своето лежерно издание уште еднаш потврди дека ја разбира модата.
Згодната манекенка својот стајлинг го заснова на фармерки со широки ногавици, кои се здобија со статус на модна класика и кроп топ дуксер, кој редовно го вградува во нејзините спортски изданија. Конкретно, станува збор за фармерки со потпис на брендот Beaufille, додека непогрешливото црно дуксче го потпишува познатиот луксузен моден бренд Balenciaga.
Остатокот од својот стајлинг Хејли го заокружи со парчиња и аксесоари кои го носат потписот на шпанскиот моден гигант кој го обожуваат трендсетерките, па прошета во спортски патики со испрекинати сини линии кои комбинираат спортски шик и удобност карактеристични за оваа модна куќа.
Завршувањето на овој генијален изглед беа минијатурните очила за сонце, кои веќе станаа своевиден заштитен знак за згодниот модел.
