Louis Vuitton ја најави оскаровката Кејт Бланшет како најнов амбасадор на брендот.
Кејт и официјално стана заштитно лице на новата кампања за накит и амбасадор на колекцијатаLouis Vuitton High Jewellery. Во новата кампања, Solve Sundsbo ја фотографира Бланшет со уметничка режија на Фабиен Барон во експресивна серија портрети за најновата колекција накит наречена „Spirit“.
Преку пет снимки, Бланшет без напор ги отелотворува темите на колекцијата – слобода, фантазија, грациозност, раскош и судбина, избрани од уметничката директорка на часовници и накит, Франческа Амфитеатроф, за да ја нагласи вредноста на негуваните приказни на брендот Louis Vuitton .
„Исклучително сум возбуден што имам можност да соработувам со брендот Louis Vuitton– навистина иконска куќа со огромен културен досег. Носењето на прекрасните парчиња создадени од Франческа Амфитеатроф е задоволство, а Николас Гескиер, како и секогаш, ме воодушевува и ме инспирира. “, изјави актерката.по повод учеството во новата кампања.
Синоним за елеганција и шарм, Кејт Бланшет ја персонифицира не само колекцијата полна со раскажување, туку и силата, духот и безвременоста на жените од Louis Vuitton.
