Една од најсексапилните пејачки во светот Никол Шерцингер го слави својот 44 роденден, а еве како реши да го помине овој ден.
Годините не и можат ништо, а пејачката е стара како и виното,колку постаро толку подобро а многумина и завидуваат на нејзината витка линија и извајано тело.
Пејачката одлучила својот роденден да го помине џогирајќи на едно од најубавите места на светот, како што вели, во популарниот ски-центар Св. Мориц во Швајцарија.
Пејачката сподели кратко видео на социјалните мрежи и напиша и мотивирачки опис.
” Се чувствувам преплавена од благодарност и љубов додека наближувам уште една година околу сонцето. Трчањето по едно од најубавите места на светот е токму она што ми требаше, да бидам во природата, пред почетокот на роденденската прослава. Ова е моето среќно место“, напиша Никол.
Никол често ја нарекуваат женска божица поради нејзината идеална фигура која ја има уште од млада кога пеела во популарната група Pussycat Dolls.
Од 2019 година Никол е во врска со згодниот Том Еванс, а се запознале на снимањето на шоу за таленти во кое Никол учествувала како член на жирито.
Таа објави и нови фотографии со сегашното момче, а парот и понатаму добива пофалби и убави желби за иднината на врската.
Пејачката порано навистина немала среќа во љубовта, но се чини дека сега конечно ја пронајде својата сродна душа. Таа во минатото беше во врска со возачот на формула Луис Хамилтон и бугарскиот тенисер Григор Димитров и тие врски завршија неславно.
