Историски момент: Дмитриј Муратов ја стави на аукција својата Нобелова награда за мир, која ја доби минатиот октомври.
Аукцијата се одржа на 20 јуни во медиумскиот центар на Њујорк Тајмс на Менхетен. Златниот медал отиде под чеканот за рекордни 103,5 милиони долари, кои, според одлуката на Муратов, ќе бидат префрлени во меѓународниот фонд на УНИЦЕФ: „Сфативме дека за да им помогнете на децата на Украина можете и треба да ги дадете најскапоцените и најважните работи што ги имате и решивме да ја продадеме златната Нобелова награда. Сите приходи ќе бидат наменети за децата бегалци каде и да се: во Европа, Украина или Русија“.
Муратов донираше и парична награда од 500.000 долари за жртвите од војната.
Претходно, Нобеловата награда беше ставена на аукција само еднаш и тоа во 2014 година. Научникот Џејмс Вотсон, кој ја откри структурата на ДНК во 1962 година, ја продаде својата награда за 4,76 милиони долари.
