Холивудскиот актерски великан Брус Вилис, кој пред три месеци објави дека се повлекува од актерството поради болест, е снимен во Лос Анџелес со сопругата Ема. Двојката се држеше за раце, беше во добро расположение и немаше индикации дека актерот има здравствени проблеми.
Брус Вилис, 67-годишен холивудски актер, најави прекин на снимањето оваа пролет, откако му беше дијагностицирана афазија, која ги нарушува неговите когнитивни способности и резултира со оштетување на мозокот.
Брус има исклучителна поддршка од семејството, а една од најважните личности во неговиот живот се уште е неговата поранешна сопруга, 59-годишната Деми Мур. Таа и нивните возрасни ќерки Талула, Скаут и Румер често објавуваат фотографии со него на Инстаграм и не кријат голема блискост и поврзаност.
Неговата 44-годишна сопруга Ема, со која има две ќерки од 13-годишниот брак, десетгодишната Марбел и осумгодишната Евелин, ретко се одвојува од него, а тој има и асистент дома,кој е секогаш таму ако нешто му треба. Вилис исто така има тешки денови, но поради ќерката се труди се да изгледа што е можно понормално.
Афазијата е стекнато губење или нарушување на говорот, говорното изразување или разбирањето и е предизвикано од оштетување на мозокот или говорниот центар.
