Ексклузивно дознаваме дека хитот „Џокер“ доби свое продолжение, а многу веројатно и со Лејди Гага како Харли Квин!
Филмската адаптација на приказната за Џокер со Хоакин Феникс во главната улога ги освои критичарите и публиката во 2019 година, па не е изненадување што постои желба да се продолжи таа приказна. Но, за какво продолжение се зборува, не можевме ни да претпоставиме: Хоакин како Џокерот и Лејди Гага, се во музичкиот жанр!
Минатата недела беше откриен насловот на продолжението: Џокер: Folie a Deux, мислејќи на здравствена состојба која погодува две или повеќе особи во исто време, пренесува The Hollywood Reporter, па се шпекулира дека Џокерот би можел да има партнер, која би можела да биде Гага, иако преговорите со актерите се уште не се официјално потврдени.
Сè уште е неизвесно дали оваа соработка навистина ќе се реализира, но не може да се негира дека предизвика голем интерес во јавноста. Тешко е да се замисли како би можела да изгледа оваа приказна, но Интернетот, се разбира, е полн со бројни шпекулации и смешни коментари кои се извор на забава уште пред да започне продукцијата на филмот.
Gaga’s Harley Quinn accent is going to be life-changing. Know that.
— Louis Peitzman (@LouisPeitzman) June 14, 2022
