MASERATI е топлес верзија на супер атрактивниот MC20.
Cielo на италијански значи небо, па се е веднаш јасно – спортистот на Maserati се претставува во настап кој нуди поглед на небото. И, се разбира, Италијанците како мајстори на дизајнот не нудат едноставно класичен родстер, туку на овој спортист му подарија подвижен проѕирен покрив.
Покривот се преклопува со притискање на копче, а целиот процес трае само 12 секунди. Стаклената плоча има и функција за затемнување, повторно со притискање на копче. Посебната карактеристика е што може целосно да се затемни, а системот работи во температурен опсег од -30 до 85 степени Целзиусови.
Има пропуст. Кога покривот е преклопен, повеќе нема да можете да го гледате моторот. Без разлика, има огромно лого на Maserati и наскоро се ќе им биде јасно на сите подобри познавачи. И она што е важно е дека битурбо дијамантот Nettuno 3.0 V6 сè уште е таму. Тој дава 630 КС и 730 Nm, а има задача да стартува автомобил тежок само 1.540 килограми, што е плус од само 65 килограми во однос на купето.
Вреди да се спомене дека спринтот до 100 km/h сега трае 3 секунди, додека стрелката ќе покаже 200 km/h по само 9,2 секунди. Максималната брзина е над 320 km/h. Единственото нешто во кое MC20 е скромен е понудата за багажен простор – 50 литри се нудат напред и само 100 литри назад.
Цената не е објавена, но очекувајте да биде повеќе од основните 210.000 евра за купето.
