Топлината и потта побрзо влијаат на затнувањето на порите, а доколку дополнително ги наполниме со шминка, може да настанат овие несакани воспалителни процеси. Летната шминка е полесна и повоздушеста.
Во потоплите денови, носењето подебел слој шминка може да предизвика проблеми со кожата, бидејќи можни се акни и слични несовршености.
Носењето помалку шминка и дава можност на кожата да дише, па затоа треба да изберете подлоги кои ќе бидат полесни. Летните пудри имаат „лесна“ текстура и поголем процент на вода.Тоа се гледа на прв поглед – штом ставиме малку летна пудра, ќе видиме дека полесно се шири.
Ако нашето чело и Т зоната повеќе блескаат, тоа значи дека произведуваме повеќе себум, па затоа е добро да користиме полесни подлоги.Марамчињата се исто така практични, обична хартија, која можете да ја потпрете на челото или лицето за да го отстраните целиот вишок.Миењето на лицето во лето е задолжително неколку пати на ден, за да не се затне кожата со премногу слоеви и маснотии.
Во лето важна е подлогата, односно начинот на кој го подготвуваме лицето за шминкање. Треба да се користат лесни, хидрантни креми, кои на кожата ќе и дадат многу влажност.Нанесете утринска крема и почекајте да се впие. Што се однесува до заштитниот фактор, добро е да го имате во пудрата, за да се уверите дека сте ја намалиле појавата на хиперпигментација на минимум.
