Со само неколку фотографии, Honda најави целосно нова генерација на теренци CR-V, кои на европскиот пазар ќе пристигнуваат само во хибридна верзија, а премиерата се очекува на лето.Целосно новата генерација на Honda CR-V пристигнува до крајот на годината, а ќе има премиера веќе ова лето. Како и кај сите други модели, новиот CR-V на европскиот пазар ќе пристигне само како хибрид, што е веќе долгорочен план на Honda. Откако новиот Civic ќе пристигне наесен, Honda ќе ги има сите европски модели со хибриден погон.
А што е со фотографиите? Па, очигледно е дека дизајнот ќе еволуира, но ќе има малку поостри линии кои му даваат доза на спортски изглед, додека страничната силуета, според сите сметки, ќе остане слична на се уште актуелниот модел. Но, новата генерација треба да расте во сите правци и да понуди уште повеќе простор во внатрешноста, како и во багажникот. Во понуда ќе бидат и верзии со 5 или 7 седишта, како и досега. И се очекува целосно нов ентериер со дигитална инструмент табла и поголем мултимедијален екран, а изгледот веројатно ќе биде сличен на оној на новиот Civic.
Се шпекулира дека новиот CR-V би можел да добие два хибридни погони, послаби и посилни, а во понудата повторно ќе има верзии само со погон на предните тркала, како и верзии со погон на сите тркала. Се разбира, менувачот е секогаш автоматски CVT. И тоа е она што засега го знаеме, а се останато ќе се знае за неколку месеци.
