Кожата е најголемиот орган на нашето тело, затоа треба да биде во нашиот фокус и ќе ни даде онолку колку што и самите даваме.
Витамини за кожата
Покрај надворешните фактори, на кожата влијае и внесувањето на одредени витамини. Витаминот Д е еден од најдобрите витамини за кожата, заедно со витамините Ц, Е и К. Доколку обезбедите доволно витамини, вашата кожа има способност да изгледа здраво и младо.
Витамин Д
Витаминот Д најчесто се произведува кога кожата ја апсорбира сончевата светлина. Кога тоа ќе се случи, холестеролот се претвора во витамин Д. Витаминот Д потоа се зема од вашиот црн дроб и бубрезите и се транспортира низ телото за да помогне во изградбата на здрави клетки. Тој игра важна улога во тонот на кожата.
Витамин Ц
Витаминот Ц се наоѓа во високи нивоа во епидермисот (надворешниот слој на кожата), како и во дермисот (внатрешниот слој на кожата). Тој игра витална улога во природната синтеза на колаген во телото. Соодветниот внес на витамин Ц може да помогне и во решавањето на проблемот со сува кожа, пишува Healthline.
Витамин Е
Како и витаминот Ц, витаминот Е е антиоксиданс. Неговата главна функција во негата на кожата е заштита од оштетување од сонце. Витаминот Е може да ја апсорбира штетната УВ светлина од сонцето кога се нанесува на кожата. Фотозаштитата се однесува на способноста на телото да ја минимизира штетата предизвикана од УВ зраците. Ова може да помогне да се спречат темни дамки и брчки. Телото произведува витамин Е преку себум, масна супстанција која се испушта низ порите на кожата. Повеќето возрасни имаат потреба од околу 15 mg витамин Е дневно.
Витамин К
Витаминот К е неопходен во процесот на згрутчување на крвта во телото, што му помага на телото да залечи рани и модринки. Можете да го зголемите внесот на pvpg витамин ако јадете: кељ, спанаќ, зелена салата, зелка, боранија …
