Канскиот фестивал секоја година привлекува најголемо внимание и може да се каже дека е еден од најпосетените настани, но со право.
Самото отворање на фестивалот го одбележаа бројни ѕвезди кои се истакнаа со своите оригинални тоалети и направија гозба за очи.
Синоќа на фестивалот се појави Адријана Лима која прошета во несекојдневна комбинација за трудници, а би се рекло дека инспирацијата ја нашла во Ријана.
Познатата манекенка се појави на премиерата на филмот Top Gun Maverick со својот партнер Андре Лемер, а овој пар цело време разменуваше нежности и изгледаше среќно и заљубено.
Овој пар заедно привлече големо внимание, но најмногу благодарение на смелиот избор на Адријана за поодмината бременост.
Бразилката носеше црн елегантен фустан со ракави кои се влечат по подот и голем шлиц на стомакот, а на се додаде сандали со тенки прерамки. Би се рекло дека е и едноставно и ексцентрично.
Ријана комплетно донесе нов тренд за трудниците, а Адријана и е втор пат да носи вакви комбинации во бременоста. Што мислите, дали е ова храбар потег за трудница и дали би превзеле нешто вакво?
