Новата насловна страница на магазинот Women’s Health ја краси американската актерка Хилари Даф, која неодамна глумеше во популарната серија „Како ја запознав мајка ти“. Згодната 34-годишна девојка се соблече за таа пригода
Иако досега не сме навикнати да ја гледаме во разголени изданија, а особено во последните години бидејќи најчесто е во друштво на своите малечки, облечена во слатки креации удобни за играње со деца, Хилари Даф направи целосен пресврт во нејзината кариера.Актерката која ја паметиме по тинејџерските улоги, а неодамна глумеше во новите продолженија „Како ја запознав мајка ти“, позираше целосно гола за новиот број на магазинот Women’s Health.
„Горда сум на моето тело, горда сум што родив три деца. Дојдов до фаза во која сум целосно мирна со промените што се случија со моето тело по се што поминав“, гордо рече таа во едно интервју, а потоа истакна:„Исто така, сакам читателите да знаат дека шминкерот ми стави одлична пудра на телото, а кореографот ме стави во оваа поза каде изгледам фантастично“.
Даф рече дека потрошила цели четири недели подготвувајќи го своето тело за ова важно снимање. Таа напорно тренираше за да се врати во форма и доби навика и понатаму да биде фит.
Без разлика, шармантната 34-годишна девојка истакнува дека нејзиниот изглед не е приоритет.
„Сите се премногу загрижени за изгледот. Се трудиме да бидеме фит, се убиваме од вежбање, го средуваме лицето со ботокс, ја бојадисуваме косата, ги креваме веѓите и трепките и правиме многу други глупости, а всушност најважното нешто со кое треба да се занимаваме е нашата внатрешност. Тоа е најважниот дел од целиот систем“, заклучи таа.
