Кралицата Летиција е љубител на класично скроени модни парчиња кои и ласкаат на нејзината фигура.
Тоа го покажа неодамна во Мадрид на состанокот насловен „Конкурентни предности на снимањето во Шпанија“, организиран од државниот секретар за телекомуникации и дигитална инфраструктура, Шпанската филмска комисија и инвестициската компанија ICEX-Invest.
За оваа пригода, шпанската кралица избра црвен фустан во А линија со потписот на Каролин Херера, кој се карактеризира со патент на предниот дел на моделот. Миди фустан без ракави го откри нејзиниот исончан тен, но и фит фигура.
Кралицата Летиција го има овој фустан во својот гардеробер околу три години. Таа за прв пат го носеше во септември 2019 година на прием во чест на шпанската кошаркарска репрезентација. Потоа го спои со црвени потпетици со отворени пети.
Овој пат таа се одлучи за штикли во боја на кожа со вртоглава потпетица која ја издолжува целата фигура. Комбинацијата ја заокружи со црвена чанта со змиски дезен и висечки обетки Хозе Луис.
