Годината започна доста предизвикувачки по претходните две во кои се сменија нашите ритуали, деловни и лични распореди. После таквиот стрес, решивме дека ова ќе биде година во која повеќе ќе се грижиме за себе, за нашиот внатрешен мир и ќе се трудиме да најдеме задоволство во малите нешта кои прават разлика. Патувањето е врвен приоритет овде. Почестете се со годишен одмор доволно далеку за да заборавите на секојдневниот живот. Нашиот предлог е Тоскана. Еве како да организирате одмор во најромантичниот дел на Италија во само неколку чекори.
ИТАЛИЈА КАКО ОМИЛЕНА ДЕСТИНАЦИЈА
Италија земја која крие неописливо многу прекрасни пејсажи, историски знаменитости, темпераментни и интересни човечки ликови. Да не зборуваме за храна и вино. Тоа беше инспирација за многу уметници, а денес некои градови се престолнини на културата кои ја зачувале својата традиција со векови. Од север кон југ, Италија крие неколку различни рурални пејзажи и урбани градови, а на вас е да изберете по кој пат ќе одите прво. Некако кон крајот на пролетта секогаш ни се наметнува истата идеја – Тоскана.
Тоскана за оние кои сакаат да уживаат во животот
Тоскана е регион во централна Италија. Се граничи со регионите Лацио, Умбрија, Емилија-Ромања и Лигурија, додека западно од регионот е Тиренското Море. Тоскана е позната како еден од најубавите делови на Италија, и има околу 120 заштитени природни области. Пејсажи проткаени со зеленило, лозја искапени на сонце, медитерански растенија во сета нивна полнота – Тоскана е извор на инспирација со векови. Фиренца е нејзиниот најголем и главен град, град на културата и уметноста и не заборавајте да го ставите на вашата листа. Данте, Да Винчи, Микеланџело се само дел од уметниците кои работеле овде. Шармантните улички го чувствуваат токму тоа – духот на уметноста. Важен град за гастрономија, како и цела Тоскана, па тука можете да се препуштите и да уживате во сите сетила. Задолжително посетете го Парко ди Пратолино и градот Лука и задолжително понесете маслиново масло или фино вино од Тоскана како сувенир.
