Она што таа сака да јаде не се променило многу во последните 60 години, вели Дарен Мекгрејди, еден од нејзините лични готвачи, во нејзината книга Eating Royally: Recipes and Remembrances from a Palace Kitchen.
Кралицата Елизабета имаше околу 20 готвачи додека Мекгрејди работеше за неа. Тие и ги подариле своите менија од кои ги бира јадењата што сака да ги јаде. Еве што имаше во нејзината чинија за еден ден, како и што никогаш не би вкусила.
Чај и бисквити
Кралицата го започнува денот со шолја чај со млеко, без шеќер и неколку бисквити.
Појадок
После капење и облекување, кралицата појадува житарки со ладно млеко. Понекогаш јаде тост со џем, додека во ретки прилики конзумира јајца.
Ручек
Кралицата Елизабета сака едноставен ручек богат со протеини и малку јаглехидрати. Мекгрејди тврди дека сака да јаде лосос со спанаќ или тиквички, а понекогаш се одлучува и за пилешка салата.
Попладневен чај
Според Cosmopolitan, попладневниот чај е незаменлив. Експертот за кралското семејство Кејти Никол изјави дека потоа покрај чај се служат и сендвичи со краставици и овошен колач.
Вечера
МекГрејди вели дека британската кралица сака и риба на скара за вечера. Со неа јаде зеленчук и салата.
„Тоа е се. Таа е многу дисциплинирана. Може да јаде што и да замисли, но едноставноста ја одржува здрава“, додава Мекгрејди.
Десерт
На масата на кралицата можете да најдете и десерти како свежо овошје и чоколадо.
Сака темно чоколадо, колку потемно толку подобро. Не е луда по млеко или бело чоколадо“, изјави МекГреј за Си-Ен-Ен.
Што никогаш не јаде кралицата?
Едно нешто што никогаш нема да го најдете во чинијата на кралицата Елизабета е лукот. Исто така тaa не е љубител на татарски стек.
