Дизајнот на Мал модуларен реактор (SMR) на Rolls-Royce најверојатно ќе добие одобрение од регулаторот на ОК до средината на 2024 година и би можел да произведува електрична енергија до 2029 година, изјави извршниот директор на Rolls-Royce Small Modular Reactors, Пол Стајн, за Reuters.
Британската влада побара од нуклеарниот регулатор да го започне процесот на одобрување во март, откако го поддржа кругот на финансирање на Rolls-Royce од 546 милиони долари во ноември за развој на првиот SMR во земјата.
Владата се надева дека SMR ќе помогне да се намали зависноста од фосилни горива и да се намалат емисиите на јаглерод.
Во интервју за Ројтерс, Стајн рече дека регулаторниот процес е започнат и најверојатно ќе биде завршен до средината на 2024 година.
„Се обидуваме да работиме со владата и другите за да започнеме со нарачки и да можеме да испорачаме електрична енергија до мрежата до 2029 година“, рече Стајн.
Во меѓувреме, Rolls-Royce ќе започне со производство на делови за реактори за кои не очекува промени во дизајнот.
Малите модуларни реактори од 470 мегавати (MW) чинат 1,8 милијарди фунти (2,34 милијарди долари) и ќе бидат изградени на 10 хектари земјиште, со големина на околу 10 фудбалски игралишта.
За разлика од традиционалните реактори, SMR се поевтини и побрзи за изградба, а можат да се инсталираат и во бродови и авиони.
Нивниот „модуларен“ формат значи дека тие можат да бидат испорачани во контејнери од фабриката и релативно брзо инсталирани на која било предложена локација.
