На социјалните мрежи се појави видео на кое се гледа како Tesla Model Y удира во приватен авион Cirrus Vision од 2 милиони долари додека е во режим на Smart Summon. Сопственикот наводно го „поканил“ својот автомобил додека присуствувал на саем за авијација.
Иако деталите за инцидентот се делумно познати, се чини дека сопственикот бил во близина и сакал неговиот Model Y да дојде и да го земе. Меѓутоа, Model Y по пат удрил во приватен авион одзади, а она што загрижува е што Тесла продолжил да се движи напред уште неколку секунди, удирајќи во авионот.
lol someone tried to summon their Tesla via autopilot at an aviation trade show and it crashed into a 3 million dollar jet pic.twitter.com/ae1Th49YsG
— waffle party planner (@Phylan) April 22, 2022
Да потсетиме, Smart Summon ја користи локацијата на сопственикот на паметниот телефон за да вози до него. Системот потоа користи неколку надворешни камери за да стигне до својата дестинација без човечка помош.
Откако првпат беше претставен на почетокот на 2016 година, Summon доби неколку ажурирања. Сопственикот мора да биде во непосредна близина на неговото возило за Summon да работи.
Автономната технологија на Tesla е под многу критики во последно време. Компанијата неодамна одлучи да користи само камери за автономно возење, а не радари. Одлуката се покажа контроверзна, бидејќи поголемиот дел од автомобилската индустрија користи радарски системи.
