Елеганција, но нималку строга и со ведрина совршена за свадба на отворено – сето ова и многу повеќе е прекрасна креација што австралиската убавица ја избра за свадбата на своите пријатели.
Прославената австралиска манекенка Миранда Кер (39) секогаш е облечена во склад со пригодата, а нејзиниот стил е полн со романтични ноти и женственост.
Таква е комбинацијата на облека што оваа популарна убавица и поранешен „Ангел на Викторија“ ја избра за венчавката на нејзините пријатели Лора Браун, почитувана уредничка на најпрестижните списанија и Брендон Борор Чапел.Австралиската двојка кажа „да“ на романтична церемонија на Хаваи, на која се собраа голем број познати личности. Меѓу нив беа актерката Наоми Вотс и нејзиниот избраник и актерот Били Крудап, актерот Боби Канавале, актерката Роуз Бирн, како и убавата Миранда со сопругот Еван Шпигел.
Австралиската манекенка за ова свадбено дружење во природа избра интересна верзија на коктел фустан. Станува збор за модел потпишан од филипинско-американската дизајнерка Моник Лулие, чија цена е речиси 4.000 долари.
Фустанот е во А-крој, ги открива рамената на Миранда и беспрекорно извајаните раце и струк, се прицврстува одзади и се карактеризира со вечниот тренд на секоја пролетна сезона – цветниот дизајн!
На бела позадина има многу ситни жолти и розови цветови, што ја прават оваа креација многу погодна за секојдневни прослави.
Миранда донесе и жолта чанта од модната куќа Louis Vuitton, наречена Twist PM, како и прекрасните влечкин Scolto од Manolo Blahnik , за кои издвои повеќе од 730 долари.
