Ќе ни биде тешко да најдеме луѓе кои не сакаат чоколадо. Без разлика дали се работи за сладолед, колачиња, топло чоколадо или во неговата оригинална форма, повеќето од нас ќе ја искористат секоја прилика да уживаат во овој прекрасен десерт.
Но, што се случува со нашите тела ако редовно јадеме чоколадо? Диететичарите Кортни Д’Анџело и Триста Бест зборуваа за Eat This, Not That за изненадувачките последици од редовното јадење чоколадо.
Тоа може да го подобри здравјето на вашето срце
Откриено е дека темното чоколадо помага во подобрување на здравјето на срцето поради неговите моќни антиоксиданси наречени флавоноиди. „Темното чоколадо содржи антиоксиданси кои можат да ја зголемат циркулацијата на крвта во срцето, да го намалат ризикот од згрутчување, па дури и докажано е дека го намалуваат крвниот притисок“, вели Д’Анџело. „Консумирањето чоколадо во умерени количини може да го намали ризикот од мозочен удар и срцеви заболувања.
Може да помогне при стрес
Како да ни требаат повеќе изговори за да јадеме чоколадо, некои истражувања велат дека тоа може да го подобри расположението.
„Ако размислите добро, јадењето чоколадо речиси секогаш го подобрува вашето расположение, а студиите покажаа дека луѓето кои јаделе чоколадо се чувствуваат помалку под стрес“, вели Д’Анџело.
Сепак, важно е да бидете свесни не само за количината на чоколадо што ја јадете, туку и за нејзиниот квалитет. Диетите со поголема содржина на шеќер всушност се поврзани со повеќе случаи на анксиозност и депресија, што значи дека јадењето чоколадо со помала содржина на шеќер, како што е темното чоколадо, може да биде подобра опција.Додека темното чоколадо содржи многу корисни хранливи материи, повеќе обработени чоколади, како млечно или бело, може да бидат полни со додаден шеќер.
„Одредени видови чоколадо може да бидат извор на повеќе калории, што значи дека вашето тело првенствено добива калории и многу малку витамини, минерали или фитонутриенти“, вели Бест. „Храната која содржи голем број на калории може да придонесе за зголемување на телесната тежина, а кога е направена со додадени шеќери, тие исто така може да доведат до зголемена потреба“.
Можеби нема да јадете толку многу овошје
Овошјето може да биде одличен начин за добивање на природните шеќери и јаглехидрати кои му се потребни на вашето тело, но ако јадете чоколадо секој ден, може да ја задоволи вашата желба за слатки и на тој начин да ве оддалечи од јадење овошје.
„Јадењето чоколадо секој ден може да ве спречи да најдете поздрави алтернативи за потребата од слатки“, вели Бест. „Кога редовно јадете додаден шеќер, можете да почнете да го губите вкусот за вистинска сладост, како овошјето“.
Можете да внесете повеќе магнезиум
„Чоколадото содржи магнезиум, кој има многу придобивки и е минерал кој природно се наоѓа во земјата, како и во човечкото тело“, вели Бест. „Тој е од витално значење за животот бидејќи го има во секоја клетка од телото и е важен за извршување на многу телесни функции. Овој минерал е важен и за здравјето на мозокот.
Важно е да се напомене, секако, дека колку е потемна чоколадата, толку е поголема хранливата вредност и толку повеќе магнезиум консумирате. Млечната чоколада може да содржи хранливи материи, но нејзината хранлива вредност се намалува доколку е полна со додадени шеќери и други преработени состојки.
