Иако деновите се подолги, а времето е подобро, во многу делови од Европа времето се уште не е толку пријатно. Затоа и не е чудно што многумина се расположени за посета на дестинации познати по големиот број сончеви денови во текот на годината.
Покрај одличните временски услови, предноста од посетата на овие европски дестинации лежи и во цената на сместувањето, која е многу поевтина отколку во текот на сезоната.
Ова се само дел од европските дестинации кои се идеални за уживање во сончевите денови.
Мадеира, Португалија
Често нарекуван како еден од најегзотичните острови во Европа, Мадеира се карактеризира со температури од околу 25 степени во текот на годината, според Euronews.com. Постои одреден ризик од дожд, но овде врнежите не траат долго. Ова е причината за бујното зеленило по кое е позната Мадеира.Живописниот главен град на островот, градот Фуншал, има многу да им понуди на посетителите. Градот е познат по одличниот ноќен живот и интересната архитектура.
- Сицилија, Италија
Благодарение на благата медитеранска клима, која преовладува на овој италијански остров, тој е одличен избор за посета преку целата година.
На посетителите не само што им се нуди можност да уживаат на плажа или една од летните дестинации, туку и во богатото археолошко и историско наследство на островот. Но и во бројни специјалитети. Во текот на зимските месеци интересна за посета е и Сицилија, поради бројните фестивали кои се одржуваат низ островот.
- Кипар
Еден од најсончевите медитерански острови е познат по своите најтопли зими. Лоциран во источниот дел на Средоземното Море, Кипар е познат по своите одлични плажи во Пафос, богатиот ноќен живот во Лимасол и некои од најдобрите музеи и плажи во главниот град на островот.
- Малта
Дури девет локалитети на островот на витезите, како што често се нарекува Малта, се на списокот на светско наследство на УНЕСКО. Во текот на зимата температурата на воздухот е околу 15 степени, па прошетките низ улиците на Валета се многу пријатни.
Можете да посетите едно од малите рибарски села, пристаништа или блискиот остров Гозо, познат по својот импресивен комплекс на храмови, најстари на целиот остров. Се проценува дека храмовите на Јгантија се постари од пирамидите во Египет.
- Марбела, Шпанија
Пронаоѓањето на најдоброто место за сончање на плажите на Марбела нема да биде проблем надвор од летната сезона. Има помалку туристи.Во текот на зимата во Марбела, љубителите на голф особено уживаат во планинарењето, како и пешачење.
Дополнителна предност за посета на оваа дестинација надвор од летната сезона се и цените. И сместување и роба во продавници, така што успешното купување е загарантирано во тој период.
