На телевизиската конфронтација минатиот петок, францускиот претседател Емануел Макрон и Марин Ле Пен беа шокирани од платата на лидерот на групата Stellantis , Карлос Таварес.
Според Ројтерс, неговиот годишен приход е 19 милиони евра, а има пакет акции во вредност од 32 милиони евра и долгорочен надомест од 25 милиони евра.
Вкупно 76 милиони евра!
- Овде зборуваме за астрономски износи, треба да поставиме горна граница. Не е нормално луѓето да имаат финансиски проблеми, тешкотии и нервози во животот додека гледаат такви суми. Општеството може да експлодира, заклучи Макрон.
Слично размислува и Ле Пен: „Шокирана сум од сумите, но морам да признаам многу помалку отколку во некои други случаи,Stellantis барем прави профит“.
Портпаролот на Stellantis изјави дека компанијата не ги коментира ставовите на политичарите, но посочи дека Таварес ја довел компанијата од работ на банкрот до лидерска позиција.
Stellantis е четврти по големина производител на автомобили во светот и втор во Европа, а е создаден со спојување на италијанско-американскиот Fiat-Chrysler и француската групација PSA. Има повеќе од 280.000 вработени ширум светот.
