Сантандер е главен град на автономниот регион Кантабрија, на северниот брег на земјата, со население од околу 200.000.
Иако се наоѓа на одлична локација во Бискејскиот Залив, и може да се пофали со некои од најдобрите плажи за сурфање во Шпанија и интересната гастрономска понуда, Сантандер сè уште не е особено популарен во однос на туризмот.
Автентичната архитектура на стариот дел на градот е доста добро зачувана, иако многу згради беа уништени во големиот пожар во 1941 година.
Одлична гастрономска понуда
Сепак, Сантандер е многу попознат по предјадењата или пинчовите, како што гласи терминот што го користи локалното население за овој вкусен специјалитет. Се подготвува со месо или риба, козјо сирење и други состојки, кои се редат на крцкав леб.
Централниот плоштад е опкружен со барови и ресторани. Многу од нив служат пинчо, што мора да се проба.
Предјадење со туна Татаки, ибериско домашно свинско месо со чимичури и печен модар патлиџан се особено интересни јадења кои исто така треба да се пробаат.
Кои музеи да се посетат?
Помпезно отворен во 2014 година, „Центро Ботин“ е дизајниран од наградуваниот италијански архитект Ренцо Пијано, според Euronews. Не само што се смета за врвен уметнички, туку и културен центар на Сантандер.
Со феноменален поглед на заливот, ова место е домаќин на бројни изложби, проекции и концерти на уметници од Шпанија и од целиот свет, кои го посетуваат таму во текот на целата година.
Сместен на брегот, вреди да се посети и музејот Маритимо дел Кантабрико. Во него можете да ја видите поставката за историјата на поморските работи во регионот. На четирите ката од овој музеј, меѓу другото, може да се видат модели на бродови, реконструкции на бродски кабини, но и аквариум со мали ајкули и зраци. Особено атрактивен е скелетот на кит долг 24 метри и тежок 60 килограми, кој е закачен на таванот на овој музеј.
Оаза за љубителите на природата
Единствен таков вид во Шпанија, „Parque de la Naturaleza de Cabarceno“, е природен резерват кој зафаќа површина од 750 хектари. Од Сантандер е оддалечен околу 17 километри. Денеска поранешниот рудник за железо на отворено е реновиран и во него се сместени 100 видови животни. Од особен интерес е кантабриската кафеава мечка, која е загрозен вид и живее во овој природен резерват, каде што може да се видат реки, клисури и интересни карпести конаци.
На посетителите им се нуди можност да возат шест километри долга жичарница, да уживаат во сите сетила во природните убавини на овој крај. Во областа на паркот има и многу убави места за релаксација и излети.
