Кајли откри дека сака да вежба – со своја музика!
Во песната „Златна“ Кајли Миног вели „Не сме млади, не сме стари, златни сме“, со што сакаше да им порача на луѓето да блеснат во секој момент од животот. И тоа е нешто што навистина е важно за неа. Во нејзините 50-ти години, Кајли изгледа исто толку блескаво и фит како во раната кариера, и секогаш е полна со енергија на сцената.
Па, секако, се запрашавме – како изгледа рутината за убавина на познатата „Џебна Венера“?
„Ужасно,само фаќам што и да ми дојде при рака,серум, навлажнувач. Можеби ставив малку кремасто руменило на образите и маскара на очите„.Кајли Миног накратко ја објасни својата рутина за нега на Wall Street Journal, давајќи го својот совет пред неколку години:“ Користете заштитен фактор, исчистете го лицето навечер, одете кај добар дерматолог ако имате време, јас ретко го имам”.
Што се однесува до вежбањето, таа признава дека е во најдобра форма кога е на турнеја, но во „обични“ денови работи најмалку 15 минути на апликацијата Yoga Studio. „Знам да вежбам и без апликацијата, но благодарение на женскиот глас и фактот дека е темпиран, брзо поминува и се чувствувам добро. Ако има подвижна лента во близина, ќе го направам и тоа. Но, ние Миногите не трчаме, само одиме.Сакам и пилатес, но мојата најдобра вежба е да бидам на турнеја. Никогаш не сум била толку фит како кога сум на турнеја, па едвај чекам да одам повторно. Тоа е она што му треба на моето тело“.
Музиката е клучна кога станува збор за физичката активност, а Кајли е мотивирана од нејзината: „Пред неколку недели го слушав моето ново демо на лента за да видам што е добро, што треба да се промени,преслушувајки го поминав многу километри…’
Но, она што Кајли го забележува пред нејзиниот физички изглед е позитивната енергија со која зрачи, а една од тајните е да го следи најдобриот совет што одамна го добивала: „Држете се само до мислењата на луѓето што ги почитувате“.
