Илон Маск неодамна зборуваше на прес-конференција во космодромот SpaceX Starbase во близина на селото Бока Чика во Јужен Тексас.
Тој смета дека најстрашните ризици за човештвото се падот на наталитетот, верскиот екстремизам и вештачката интелигенција која „не се развива според планираното“. Но, самата смрт, сепак, не била вклучена во неговата листа.
„Потрошив многу време на проблеми со плодноста“, рече Маск. „Ова може да биде најголемата закана за иднината на човечката цивилизација.“ Тој изрази загриженост за модерните семејства со помалку деца, а извештаите покажаа дека стапката на наталитет паднала за 4 отсто од 2019 до 2020 година, што е најостриот едногодишен пад во речиси 50. години и најмал број родени бебиња од 1979 година.
Маск беше смирен за својата долговечност: „Дефинитивно би сакал да останам здрав долго време, но не се плашам да умрам. Мислам дека тоа ќе биде олеснување.„Меѓутоа, тој додаде дека би сакал да живее доволно долго за програмата SPACEX да биде целосно реализирана.
Инаку, неколку светски милијардери, меѓу кои и Џеф Безос, бараат научен извор на младост. Сепак, Маск изјави дека не е заинтересиран за продолжување на човечкиот живот. Илон се осврна на американските политичари кои се постари од општата популација, а овој јаз во годините, според него, доведе до тоа владата да го изгуби контактот со средната класа.
„Вистина е дека повеќето луѓе не се предомислуваат. Значи, ако не умрат, ќе останеме заглавени со старите идеи и општеството нема да се развива“, продолжи тој.
Од друга страна, Маск рече дека неговата најголема надеж е човештвото да создаде „самоодржлив ГРАД НА МАРС“. „Би бил среќен човештвото да има град на Марс, бидејќи тогаш веројатниот животен век на човештвото би бил многу подолг“, објасни тој.
Илон Маск го откри и рецептот за среќа: „За да бидеш целосно среќен, мислам дека треба да бидеш среќен на работа и среќен во љубовта. Така, претпоставувам дека сум умерено среќен“, рече тој.
