Ријана е ѕвезда на мајското издание на „Vouge“, а за насловната страница позираше во предизвикувачки, проѕирен комбинезон од црвена чипка од Алаја и ракавици во ист стил, со што уште еднаш докажа дека не и е грижа за коментарите и туѓите мислења и сама ги диктира трендовите.
Рири позираше за серија провокативни фотографии, од кои најинтригантна е онаа на која е целосно гола, облечена само во урбана црна јакна од Сен Лоран, додека нејзиниот труднички стомак го красат дијамантски синџири.
Пејачката открила и дека бременоста и се случила непланирано и дека не се труделе на тоа:
- Не би рекла дека планиравме. Но, ние секако не бевме против тоа. Не знам кога имам овулација или ништо друго. Само се забавувавме. И тогаш тестот беше позитивен. Не губевме време. Му се јавив и му покажав. А потоа следното утро отидов на гинеколог и нашето патување започна.
Ријана се осврна и на фактот дека ја редефинирала породилната мода, поместувајќи ги границите, но и предизвикувајќи бурни реакции ширум светот. Таа всушност сакаше да испрати порака дека ги прифатила промените во своето тело, покажувајќи го нејзиниот растечки стомак од ден на ден во низа скудни изданија.
- Се надевам дека успеавме да го редефинираме она што досега се сметаше за „пристојно“ за трудниците. Во моментов во моето тело се случуваат неверојатни промени и нема да се срамам од тоа – изјави таа, додавајќи:
- Овој пат треба да биде прослава. Зошто би ја криела бременоста? Кога дознав дека сум бремена, си помислив: “Нема шанси да купам нешто во бутик за трудници. Извини – премногу е забавно да се облечам. Нема да дозволам тој сегмент да замине далеку бидејќи моето тело се менува.
