Грција ќе ги укине сите мерки за коронавирусот до крајот на летово, е одлуката што денеска ја соопшти грчкиот министер за здравство Танос Плеврис на седмиот економски форум во Делфи.
Сите невакцинирани лица ќе можат слободно да влезат во земјава без негативен брз тест, а од септември повторно ќе се воведе брз тест, пишува грчкиот портал Енимеротико.
На невакцинираните лица нема да им требаат тестови за седење на отворени простори во барови, кафулиња, ресторани и ноќни клубови, а оваа мерка ќе трае во текот на летото.
Според министерот за здравство нивното враќање ќе се случи по четири месеци и додаде дека „не ја игнорираме пандемијата, туку влегуваме во нова регуларност со укинувањето на рестрикциите, но сепак ќе бидеме подготвени за есенска вакцинација“.
Комисијата расправаше летото да се помине без ограничувања и само со самотестирање, без обврска за PCR или брз тест. Во секој случај, процесот ќе се одвива чекор по чекор, пишуваат грчките медиуми.
