КИНЕСКИ BYD бележи драстичен раст и покрај непопуларната одлука.
Само неколку дена откако излезе на виделина снимката од новиот модел кој се натпреварува со Tesla Model 3, кинескиот гигант објави дека станал првиот производител на автомобили кој го прекинал производството на модели со мотори со внатрешно согорување.
Иако тоа се случи минатиот месец BYD не е првиот ако сме искрени, но дефинитивно е првиот од големите играчи. Да потсетиме, други производители веќе најавија пауза во втората половина на деценијата, а меѓу првите ќе бидат брендовите како Alfa Romeo, Bentley и DS.
Ако се вратиме на BYD, моментално нема класични бензинци во неговата гама, туку понудата се базира на електрични модели и plug-in хибриди. Инаку, BYD ги здружи силите со Ford, GM, Mercedes, Volvo и Jaguar Land Rover во ноември минатата година во иницијатива да го запре производството на возила со фосилни горива до 2040 година.
BYD најави дека ќе продолжи да ги поддржува сопствениците на своите автомобили со мотори со внатрешно согорување, што вклучува производство на резервни делови за сите модели кои се прекинати.
Паралелно со оваа информација, BYD објави дека во март произвела 53.664 електрични автомобили и 50.674 plug-in хибриди, со што стана најпродавана марка во Кина, но и најпродавана електрична марка во светот. Поради високиот раст, BYD ги приспособи плановите за оваа година и ги зголеми проекциите за производство од 1,2 на 1,5 милиони единици, а доколку ги надмине проблемите во снабдувањето со делови, продажбата би можела да порасне и до 2 милиони.
BYD најави дека ќе продолжи да ги поддржува сопствениците на своите автомобили со мотори со внатрешно согорување, што вклучува производство на резервни делови за сите модели кои се прекинати.
Паралелно со оваа информација, BYD објави дека во март произвела 53.664 електрични автомобили и 50.674 plug-in хибриди, со што стана најпродавана марка во Кина, но и најпродавана електрична марка во светот. Поради високиот раст, BYD ги приспособи плановите за оваа година и ги зголеми проекциите за производство од 1,2 на 1,5 милиони единици, а доколку ги надмине проблемите во снабдувањето со делови, продажбата би можела да порасне и до 2 милиони.
Да го споменеме и новиот BYD Seal од приложените фотографии. Електричниот седан долг 4,8 метри, наводно, ќе започне од 34.500 долари во Кина, што е значително помалку од Tesla Model 3. Во Европа би можел да пристигне следната година.
