Доколку сакате да го разубавите вашиот изглед ова лето, Bvlgari x Casablanca е колекција која го заслужува вашето внимание.
Од 2017 година, брендот Bvlgari соработува со различни брендови на континуирани заеднички серии во кои симболот на куќата, Serpenti, се реинтерпретира низ очите на талентираните креативци.
Соодветно именувана како „Serpenti Through the Eyes Of“ овогодинешната колекција беше претставена во соработка со парискиот бренд Casablanca, кој е познат по комбинирањето на спортската естетика и смелите тропски принтови. Преку соработка, Serpenti доби нов живот преку забавна и модерна капсулна колекција.
За да го разберете концептот зад колекцијата, замислете го ова: модерна жена ги напушта тениските терени по возбудлив натпревар и преминува на следната точка од нејзината напорна агенда. Тоа е шик, елегантно олицетворение на милениумското наследство на Serpenti и слави храбра урбана жена која не прави компромиси кога станува збор за стилот.
Колекцијата вклучува седум различни дизајни, а линијата е поделена на две лансирања, од кои секоја раскажува посебна приказна – Apres Tennis и Mosaic.
Додека линијата Apres Tennis е инспирирана од тениски рекети и спортско-шик естетика, Мозаикот е цеолосно инспириран од многу фантастични глетки на Рим и им оддава почит на корените на брендот Bvlgari. Вкрстената чанта Serpenti доаѓа украсена со исклучителен мозаичен принт, кој го претставува живиот дух на брендот Casablanca со богата историја на Bvlgari.
Колекцијата Bvlgari x Casablanca ќе биде објавена ширум светот оваа пролет. Apres Tennis ќе биде достапен од 20 април 2022 година, додека темата Mosaic ќе биде лансирана на 20 мај 2022 година.
