Доколку барате хранлив појадок кој во исто време е погоден за губење на вишокот килограми, оваа комбинација е вистинскиот избор.
На почетокот на новиот ден, на телото му треба голема количина на енергија. Затоа е важно да јадете хранлив појадок кој ќе ја одржува ситоста, а нема да го оптоварува желудникот.
Душанка Лачмановиќ, специјалист нутриционист-диететичар и санитарен инженер, препорачува комбинација од ленено семе со јогурт, варено јајце, јаткасти плодови и неколку кришки авокадо.
– Лененото семе е полно со влакна, јогуртот содржи калциум и добри бактерии, авокадото е полно со здрави масти исто како и јаткастите плодови, а вареното јајце е полно со протеини – вели Лачмановиќ.
– Оваа комбинација на храна полека се разградува, не предизвикува нагло скок на инсулинот, го поттикнува исфрлањето на вишокот течности од телото и ве одржува сити. Ваков појадок можат да го консумираат оние кои сакаат да се хранат здраво, како и оние кои се на рестриктивна диета бидејќи сакаат да ослабат.
Состојки:
– пет супени лажици ленено семе
– 180 мл јогурт
– 1 барено јајце
– една четвртина мало авокадо
– 50 г ореви
Доколку сакате подобро да ги искористите ленените семки, можете да ги сомелете во мелница за кафе непосредно пред да подготвите појадок, па дури потоа прелијте ги со јогурт и оставете ги да отстојат дваесетина минути.
– Овој појадок е идеален за оние кои се навикнати наутро да јадат нешто солено – вели Лачмановиќ.
– Предностите на кашата од ленено семе со јајце, авокадо и ореви во однос на пекарските производи или другите видови солени појадок се повеќекратни: без скриени шеќери или сол, без празни калории, без адитиви, без вештачки бои. Сè што добивате преку ваков појадок е чиста енергија која ќе го одржува вашето тело сито со часови.
