Робин Фенти, многу попозната како Ријана, беше вклучена на листата на милијардери на Форбс за 2022 година и беше прогласена за најдобро рангиран музичар.
Имотот на Ријана се проценува на 1,7 милијарди долари. И покрај успешната музичка кариера, пејачката се стекна со статус на милијардер благодарение на брендот за шминка. Имено, благодарение на Fenty Beauty, таа влезе во кругот во кој се режисерот Питер Џексон, Мелинда Френч Гејтс и уште 233 луѓе со милијарда на сметка.
На врвот на овогодинешната листа е извршниот директор на Tesla и SpaceX, Илон Маск, кој има 219 милијарди долари и е најбогатиот човек во светот, според Форбс.
