Легендарната актерка одлучила да го продаде овој прекрасен имот во Пацифик Палисади.
Куќата е изградена во 2019 година, а ја купиле Мишел Фајфер и сценаристот Дејвид Е. Кели во јануари 2020 година.
Се наоѓа на една од најубавите локации во Лос Анџелес, помеѓу планините Санта Моника и Тихиот Океан.
Распоредот на отворениот концепт на куќата и ѕидот од дневната соба со врати кои водат директно во дворот со базен му даваат на просторот модерен внатрешен изглед, додека бројните камини, античките дрвени греди и засводените тавани во некои простории оставаат впечаток на елегантен простор без многу напор.
Главната спална соба зрачи со луксуз, има камин, француска врата што води до тераса со стаклени огради и две бањи, едната со када и тоалет, другата специјално дизајнирана за сегментот убавина: коса и шминка.
Во подрумот има голема просторија за гледање филмови, винарска визба во која можат да се сместат околу 500 шишиња, како и гостински спални соби.
Надворешниот простор вклучува бесконечен базен, топла када, салон и скалила што водат до уметничко студио сместено под тревникот на горното ниво и осветлено од сончевата светлина обезбедена од прозорците од подот до таванот. До студиото има приватен простор за седење, додека горниот надворешен простор гледа на уредените тревници на теренот за голф Ривиера.
