Colt е еден од оние модели кои се забележани по својот оригинален пристап, но и по неговата неверојатна сигурност. Новото издание најверојатно ќе се спои со мејнстрим понудата, исто како што сака пазарот.
Според Automotive News Europe, новиот Colt доаѓа следната година и ќе ја користи базата на Renault. Судејќи според првата тизер фотографија, но и моменталната состојба на пазарот, новите Colt и Renault Clio ќе имаат многу заедничко.
Сличноста е толку голема што многу медиуми врз основа на достапните информации заклучуваат дека овој модел ќе се произведува во погони во Турција, но и во Словенија. Некои одат дотаму што претпоставуваат дека се работи за чисто естетски промени, особено во однос на ознаките и предниот дел, додека се друго ќе остане исто. Рецептот кој неодамна го направи Suzuki, но и многу други, веројатно ќе се примени и овде.
Хибридната верзија е потврдена, но се уште не се знае дали тука е вклучена и технологијата E-Tech на Renault, која се состои од 1.6 бензинец со два електромотори и максимални 145 КС, кои имавме можност да ги тестираме.
Целта е јасна, а тоа е враќање на Mitsubishi на европско тло. Имено, компанијата првично најави повлекување од Европа во 2020 година, а сега во официјален извештај објави дека „новиот модел значително ќе го зголеми присуството на Mitsubishi во главните европски сегменти“. Да потсетиме, Colt дојде во Европа од холандски погони и беше понуден до 2014 година.
