Ова не е обичен J12, туку J12 Diamond Tourbillon кој првпат се појави на #WatchesAndWonders2022 во Женева на 30 март 2022 година.
Шанел е бренд кој беше пионер во употребата на керамика во производството на своите луксузни часовници. Сепак, покрај сето тоа, Шанел се уште делува како неоткриен скапоцен камен во светот на часовничарството, а тоа е пред се затоа што тие се најмногу посветени на модата. Оваа година Шанел претставува два нови часовници – J12 Diamond turbillon и J12 Caliber 12.2.
Дизајниран од Арно Шастан, J12 Diamond Tourbillon им носи нов изглед на класичните керамички спортски часовници. Замислен во Париз и создаден во La Chaux-de-Fonds, ова е првиот часовник што Шанел го направил во својата фабрика, а вниманието го привлекува дијамантот поставен во средината на турбилонот создавајќи бескрајно блескав спектакл. Се разбира, ова не е единствениот дијамант во играта – часовник од 38 мм, ограничен на 55 парчиња, има и дијаманти на рамката, стрелките и круната.
За нешто поскромно, тука е верзијата J12 Caliber 12.2 од 33 мм. Дизајниран од модната куќа Шанел и изработен од швајцарскиот производител на компоненти Кениси, J12 Caliber 12.2 е цврст и атрактивен часовник со автоматски механизам кој Шанел првично го нудеше во црно-бели керамички модели J12, кој е готов со 50 часа резерва на енергија и 200 метри водоотпорност подготвен за сè, од патеки до скијачки терени.
