Луксузниот бренд Диор ја претставува новата колекција накит Gem Dior за 2022 година, која ни ја претставува во рекламната кампања музата на брендот, Кара Делевињ.
Фотографирана во студиско опкружување од Дејвид Симс, Кара изгледа многу елегантно додека го претставува најновиот накит и новите часовници на Диор. Креативната директорка на накитот на Диор, Викторија де Кастелан, во новата колекција носи голем број неверојатни парчиња, вклучувајќи обетки, прстени, нараквици, часовници и ѓердани.
Облечена во розов фустан, Кара подарува накит од розово злато со дијаманти и украсни камења како тигарско око, заедно со розов опал. На втората фотографија Кара изгледа многу елегантно во црн костум облечена во часовник од нерѓосувачки челик украсен со дијаманти и црн седеф.
На третата фотографија од рекламната кампања се претставени парчиња жолто злато, односно ѓердани од новата колекција со медалјон од зелен малахит камен.
„Дизајнирана од Викторија де Кастелан, новата колекција GEM DIOR изненадува со својата органска апстракција, асиметрија и опсег на бои. Родени во суптилна хармонија помеѓу природата и модата, украсени со скапоцени камења, овие парчиња накит ќе го комплетираат секој стајлинг со храбар сјај“, велат од модната куќа Диор.
