Шведската компанија Cake со години произведува електрични мотоцикли, вклучувајќи и модел за фаќање ловокрадци во Африка. Производителот сака да направи уште поголем чекор во заштитата на животната средина и планира да вгради делови од хартија, наместо од пластика.
Нивните возила на две тркала се тивки, флексибилни и издржливи, но Cake сака дополнително да го намали јаглеродниот отпечаток и затоа работи со PaperShell, кој прави различни компоненти од природни влакна.
PaperShell истакнува дека нивните специјални материјали (100% целулоза) се поцврсти од пластиката, но имаат помалку штетни ефекти врз природата. Покрај тоа, тие се отпорни на вода, оган, УВ зрачење, гребнатини и удари.
Поради таа причина, Швеѓаните бараат можности да ја имплементираат оваа технологија во електричните мотоцикли.
Секако, промените во дизајнот и употребата на технологијата PaperShell би предизвикале револуција на пазарот. Секако ние ќе ги следиме понатамошните случувања и ќе ве информираме за новостите.
Помош за ренџерите
Потсетуваме дека Cake во 2021 година претстави проект, реализиран со властите на Јужна Африка.
Станува збор за соларно возило на две тркала Kalk AP (Anti-Poaching) кое им помага на ренџерите да се справат со ловокрадците.
