Само неколку минути подоцна, кога ја доби наградата за најдобра машка улога, Смит во солзи се извини за непромислениот чин.
Шамарот што Вил Смит го удри Крис Рок поради шегата што ја кажа за неговата сопруга Џејд Пинкет Смит ќе остане запишана во историјата на Оскарите, како што изјави синоќа самиот Рок.
Да потсетиме, Смит го удри Рок театарската сцена Долби откако се пошегува на сметка на избричената глава на неговата сопруга.
Само неколку минути подоцна, кога ја доби наградата за најдобра машка улога, Смит во солзи се извини за непромислената постапка, која ги остави колегите во страв, а на публиката и даде до знаење дека тоа не е планиран скеч.
Реакцијата на Никол Кидман за миг стана мим.
Лупита Нјонго не можеше да го сокрие своето изненадување. Се чинеше дека и самата е збунета дали се работи за монтиран конфликт или Смит навистина му удрил шлаканица на колегата.
Били Ајхнер, актер и комичар, рече дека мислел дека сонува кога видел што се случило.
– Сето тоа беше многу чудно.
Колман Доминго додаде дека Смит, како него, е од Западна Филаделфија и дека тие се многу емотивни луѓе.
– Мислам дека таа страст го совлада во моментов, но тој веќе во својот говор рече дека ја разбира својата грешка. На сите ни се извини, бидејќи е љубезен и џентлменски. Само во тој момент го совладаа емоциите.
Мини Драјвер изјави дека нивниот конфликт бил многу личен.
– Сите сме сведоци на тоа. Емоциите тука дивеат. Се надевам дека ќе се помири подоцна. Тешко беше да се гледа нечија болка – изјави таа и додаде дека ги разбира зборовите на Вил дека „некои сакаат да те спуштат кога се качуваш“.
На Твитер кружи галерија од 15-тина реакции од различни актери, но набрзо стана јасно дека се работи за микс со неколку Оскари и дека се работи за кликбајт.
Погледнете го нивниот конфликт:
