Италија е секогаш добра идеја, а додека патувате во оваа прекрасна земја, градот Падова е омилена дестинација за младите. Сместен во регионот Венето, тој е студентски центар, па тука забавите се многубројни. Во основа, ако одите во Падова, ве очекуваат многу убави нешта, ако им верувате на советите на мештаните објавени на порталот Гардијан.
Гастрономија
Големиот отворен пазар на плоштадот Ербе е место каде се мешаат различни бои и мириси. Во сенката на средновековната Палацо дела Рагионе се наоѓаат многу шарени тезги, додека две долги, покриени аркади, наречени Салони, се полни со неодоливи деликатеси специјализирани за салама, пршута, пармезан и свежи тестенини.
Резервирајте маса за ручек во блиската „Osteria l’Anfora“, каде што ќе вкусите локални специјалитети, но и ќе го јадете најдоброто тирамису во вашиот живот. Падова, исто така, има неколку вистински вегетаријански ресторани, но љубителите на риба ќе најдат вкусни јадења од морска храна во „Enotavola Pino“, која исто така има одличен избор на природни и органски вина.
Историски кварт
Животот и срцето на Падова е старото гето, лавиринт од тесни улички што се протегаат од Пјаца дел Ербе. Еврејската заедница овде била одвоена од 1603 до 1797 година, кога населбата конечно била отворена од Наполеон, а денес туристите ги посетуваат Еврејскиот музеј и синагога.
Исто толку живо преку ден како и ноќе, изобилува со антикварници и модни продавници, така што Manfrotto и Tessuti Bevilacqua се одлични текстилни продавници. Старомодната Osteria dei Fabbri е место за јадење, додека засенчената тераса на модерното Caffè della Piazzetta е идеална за аперитив.
Извонредна природа
Сите во Падова се горди на ботаничката градина. Основана е во 1545 година за одгледување лековити растенија под надзор на античкиот градски универзитет, а денес гордо ја носи титулата најстара ботаничка градина во светот и е на листата на УНЕСКО.Можете да шетате и да уживате во 6.000 егзотични растенија, дрвја и цвеќиња. првата посета вреди да се земе опцијата за тура со водич.
Во близина на градината е огромната Прато дела Вале. Овој елипсовиден плоштад е еден од најголемите италијански плоштади и е опкружен со 78 мермерни статуи подигнати во 18 век. Тоа е прекрасна глетка и е домаќин на концерти, пазари и саеми за храна.
Ноќен живот
Ноќното излегување во Падова треба да започне на Piazza della Frutta, со закуска на штандот со уличната храна La Folperia, кој продава октопод зготвен на десетина различни начини со одлична чаша вино. Следната врата е преполната тераса на Bar dei Osei, позната по својот шприц.
Не слушајте што велат во Венеција, Aperol Spritz е дефинитивно измислен во Падова. Секој мора да пие барем едно во Caffè Pedrocchi кое датира од 19 век. Друго место кое вреди да се посети е Enoteca Treccani, каде можете да пробате локални вина и да слушате џез во живо, а студентите најчесто го посетуваат рибниот пазар.
