Оваа здрава храна се користи на безброј начини, но највкусна е во форма на кремаст пудинг.
Доколку сакате да се храните здраво и барате вкусен рецепт кој исто така лесно се подготвува, тогаш чиа пудингот е идеалното решение за вас.
Чиа семето за кратко време стекна неверојатна популарност, особено меѓу кулинарските блогери и луѓето кои промовираат здрава храна. Чие семките имаат безброј здравствени придобивки, а во комбинација со млеко и овошје се претвораат во неверојатно вкусен оброк.
Чиа пудинг со банана и мед е брз и лесен оброк кој може да се послужи како појадок или ужина кога сакате нешто слатко.
Се што ви треба за овој чиа пудинг е:
– 50 грама чиа семки
– 2 лажички мед
– 1,5 банана
– 300 милилитри билно млеко
Во тегла ставете ги семките од чиа и прелијте ги со млеко. Излупете ја бананата, изрендајте ја и додадете ја во теглата со една лажичка мед.
Промешајте сè, па ставете ја теглата во фрижидер да отстои преку ноќ. Наутро кога ќе се разбудите извадете ја теглата од фрижидер и прелијте го пудингот со една лажичка мед.
Половина од бананата исечкајте ја на прстени и украсете го пудингот. По желба можете да додадете и јаткасти плодови или бобинки.
