Жизел Бундхен и Том Брејди градат еколошка вила во една од најексклузивните области на Мајами.
Славниот пар е подготвен за големи промени во животот. Манекенката и покрај тоа што сè уште работи, се прости од модните писти во 2015 година, а Брејди неодамна официјално се пензионираше како играч на НФЛ. Во 2019 година, парот одлучи да ја стави својата вила во Бостон на продажба за 32,5 милиони долари.
Но, каде оди семејството понатаму?
Извори блиски до парот велат дека тие веќе купиле земјиште на островот Индијан Крик, една од најексклузивните населби во Мајами, Флорида. Пристапот до локацијата е дозволен само преку мостот, кој се чува 24 часа, а околните води и небото постојано се надгледувани од полицијата.
Вкупно, на островот има 34 вили. Меѓу соседите Жизел Бундхен и Том Брејди се Иванка Трамп и Џаред Кушнер, а до неодамна тука живееше и Адриана Лима. Поради долгата листа на богати жители, населбата го добила името Милијардер Бункер.
Според медиумите, двојката наводно купила парцела од 578 квадратни метри за 17 милиони долари во заливот Бискејн со поглед на хоризонтот на Мајами, и сега градат еколошки замок наместо оригиналната куќа.
