Долготрајното носење високи потпетици може да има последици на стапалата и долниот дел на ногата, особено на глуждовите и потколениците. Но, таа честа и непријатна болка може значително да се намали со една едноставна вежба, која безболно ќе ви помогне да ги носите вашите сакани високи потпетици.
Покрај (пре)честото носење на потпетици, анатомијата на долниот дел од нозете може да биде нарушена поради генерално лошите обувки, како и лошото држење на телото. Физичките терапевти ја користат вежбата за одење на пети како дијагностичка алатка за нарушувања на одењето и како вежба за рехабилитација за повреди на потколениците и мускулна нерамнотежа.
Всушност, тоа е многу едноставна и добро позната вежба која се изведува на тој начин што ќе стоите исправено, ќе ги кренете ножните прсти од подот и ќе одите на пете без да ги спуштате прстите.
Вежбата може да се изведе и со кревање на петите па потполно спуштање на целата должина на стапалото до прстите.
Предниот тибијален мускул (тибијалис) е долг мускул кој го поддржува долниот дел од ногата. Свиткување на стапалата или свиткување на прстите кон долниот дел на нозете ја активира оваа мускулна група. Ортопедите објаснуваат дека луѓето со слаб дорзален флексор на глуждот ќе го клоцаат кога ќе го спуштат, наместо малку да го спуштат. Одењето по пети ги балансира дорзалните флексори со плантарните флексори, мускулите кои ги насочуваат прстите на нозете кон подот.
Жените кои често носат високи потпетици прифаќаат прсти-пета начин на одење кои ги ослабуваат мускулите на долниот дел на нозете. Овој начин на одење може да влијае и на нерамнотежата на карлицата и да предизвика проблеми со грбот. Поумерено носење високи потпетици и корекција на нерамнотежата во долниот дел на ногата со изведување вежба за одење на пети може да го поправи овој проблем.
