Кога сте турист, веројатно би избрале помеѓу Рим, прекрасната Фиренца, каналите на вкрстената Венеција или можеби автентичната Сицилија. Но, каде Италијанците одлучуваат да одат на одмор во Италија? Дали и тие одат на овие познати места или се уште бараат нешто друго? Одговорите ги пренесуваме во сторија објавена на порталот CNBC.
Апулија, регионот на самата пета од италијанската „Чизма“, е омилена дестинација на блогерката Марина Качапуоти, исто така уредник на веб-страницата „Italy Segreta“ која дава прекрасни совети за патување. Овој волшебен регион таа го посетува напролет, кога, како што вели, „може да доживеете неверојатни авантури со локалното население“. „Тоа е регион на фармери, традиција и едноставност во кој мора полека да се ужива“, изјави таа за CNBC.
Истиот регион со задоволство го посетува и Дилета Џорголо, римска агентка за недвижнини, која ја посетува Апулија најмногу поради плажите и извонредните мали градови. Мај, јуни, септември и октомври се идеални периоди за неа да го посети овој регион, бидејќи тогаш времето е топло, а плажите се празни. Што се однесува до гастрономските препораки, таа ве советува да отидете во ресторанот Алекс во Лече.
Сепак, Дилета ги сака и зимските одмори, во тој случај препорачува посета на Доломитите, особено скијачките области како што се Кортина д’Ампецо и Корвара. „Скијав во повеќето алпски земји, вклучително и во Швајцарија, но Доломитите имаат попрекрасен пејзаж, а храната е дефинитивно подобра“, додава таа. Исто така препорачува да одите во Кортина во текот на летото, поради прекрасните пешачки патеки, а кога е храната во прашање, мисли дека не можете да погрешите со семејниот ресторан „Beppe Sello“.
Мари Луиз Сцио, сопственичка на прекрасниот хотел Il Pellicano со долга традиција на тосканскиот брег, препорачува посета на некои помалку познати градови, како што е Виченца, на еден час возење западно од Венеција. „Градот е одличен, а познат е и по прекарот „Градот на Паладио“, со оглед на тоа што огромен број згради се дизајнирани од големиот градител Андреа Паладио.
Значи, ако веќе сте ги виделе попознатите Венеција и Верона, можеби е време да го посетите третиот град во близина на „В“ – Виченца. Во секој случај, има уште неколку препораки – неистражената Умбрија, Торино и неговата околина, тосканскиот град Лука… Ни се чини како и секогаш – со Италија е невозможно да погрешиме.
