По двегодишна пауза повторно се одржува Миланската модна недела, а шансата најмногу ја искористи француската модна куќа Jacquemus.
Познатиот бренд неодамна отвори поп-ап продавница која на клиентите им ги нудеше најдобрите стилски парчиња нон-стоп! Сместена во дворот на Палацо Клеричи, поп-ап продавницата е очигледно дизајнирана да работи како автомат.
Коментирајќи го отворањето на продавницата, брендот објави на Инстаграм: „Го отвораме нашиот нов бутик во Милано, целиот во бело со нови производи! Отворен е 24 часа, без прекин…! Се наоѓа во Palazzo Clerici, 5 via Clerici, 20121 Милано, Италија.
Во своите приказни, брендот додаде: „Тоа не е само за шопинг, тоа е и искуство, концепт… идејата е да се пробијат границите во светот на луксузот. Сакаме да влезете, да се чувствувате добредојдени и да имате одлично искуство без разлика што правите внатре, можете дури и само да поминете и да сликате“.
Целосно белата продавница располага со артикли како капи Le bob Gadjo, чанти Le Bambino и дуксер Le Jacquemus, се разбира, сите во соодветна бела боја. И минатата година, дизајнерот Жакемус лансираше сличен поп-ап во парискиот кварт Марис за да го прослави објавувањето на неговиот нов додаток, чантите Le Bambino.
