Производителот на луксузни автомобили уште еднаш се обедини со познатиот американски уметник Џеф Кунс, овој пат за да создадат лимитирана подвижна едиција на уметнички дела – 2023 BMW M850i Gran Coupe.
Под наслов „8 x Jeff Koons“ ќе бидат направени само 99 примероци, од кои секоја ќе биде внимателно насликана рачно. Темата „8 x Jeff Koons“ е инспирирана од стрипови, а потребни се 285 часа работа по автомобил за да се заврши надворешното сликање. Според производителот, специјалната боја бара 11 различни фази за нанесување и за која се тврди дека е „најобемниот фабрички производствен процес прилагоден на производителот досега“.
Благодарение на трудоинтензивната работа која бара екстремна прецизност, само две единици „8 x Jeff Koons“ ќе ја напуштаат фабриката секоја недела.
Колоритниот екстериер е во склад со неговата подеднакво жива внатрешност, која, според уметникот, е инспирирана од популарните цртани ликови како „Spider-Man“ и „Wonder Woman“. Всушност, седиштата се украсени во светло црвена и сина боја, поради што изгледаат како тапацирани одела на Спајдермен. Во кабината има и специјална значка „The 8 x Jeff Koons“ заедно со потписот на уметникот. Механички, ограниченото издание е идентично со стандардниот автомобил M850i Gran Coupe.
8 x Jeff Koons е по цена од 350.995 долари и доаѓа со сертификат за автентичност потпишан од Кунс и извршниот директор на BMW, Оливер Чипс. Првиот примерок ќе биде продаден на хуманитарната аукција на Кристи во Њујорк на 4 април, а приходите ќе бидат наменети за добротворни цели поддржани од уметникот.
