Откако стана муза на Демна Гвасалија, креативниот директор на брендот Баленсијага, Ким Кардашијан ги носи некои од најпровокативните модели на оваа модна куќа. Првата, можеби најхрабрата облека, беше на Мет Гала минатата година (тема – In America: A Lexicon of Fashion), кога се појави во црно од глава до пети, покривајќи го и нејзиното лице. Другиот е веројатно розевиот женско-мачка комбинезон, кој го облече како гостинка на SNL, но вчерашното издание на модната недела во Париз, дефинитивно е најлудото издание за Баленсијага – прекриена со селотејп.
На самата светлосна жолта лента е напишано името на брендот, а покрај целото тело на Ким Кардашијан, тука е и чантата Balenciaga Hourglass – сè е во ист тон, освен лицето на старлетата, на кое имала футуристички очила и излижана коса. Пораката на аутфитот не е баш најјасна, но ако се има предвид дека една од манекенките на пистата прошета идентично облечена, тогаш јасно е дека Ким само сакала да му оддаде почит на дизајнерот на чиешто шоу отишла.
Ким не ја коментирала нејзината облека, но Ванеса Фридман, модната критичарка на Њујорк Тајмс која седела во близина на ѕвездата на шоуто, открила дека старлетата произведувала „sticky-tapey“ звук, карактеристичен за леплива лента, додека одела, а исто така се погрижила за оделото да не се расцепи.
