По неуспешната продажба минатата година, вилата на Доналд Трамп во Палм Бич од 1000 метри квадратни повторно влезе на пазарот со цена повисока за 10 милиони долари.
Првично барајќи 49 милиони долари минатата година, куќата потоа беше тргната од пазарот два месеци подоцна во мај. Во понеделникот повторно влезе на пазарот со цена од неверојатни 59 милиони долари.
Спектакуларната резиденција наречена „Beachhouse“ се простира на 1045 квадратни метри. Куќата во стил на Бермуди има осум спални соби и 11 бањи, две големи дневни соби, интимна свечена трпезарија, тераса покрај океанот, приватен базен и поплочен двор опкружен со бујни пејзажи.
Куќата се наоѓа спроти клубот Мар-а-Лаго и идниот сопственик би имал пристап до полноправно членство во клубот за голф.
Во елегантната населба на Палм Бич живеат многу познати жители, како Лери Елисон, милијардер и сопственик на софтверската компанија „Оракл“, Силвестер Сталоне, а понекогаш своите слободни денови тука ги поминува и поранешниот претдседател Доналд Трамп.
