Дизајнерите, уште од минатата година ги најавија претстојните сезони на мини трендови: откривање на кожа со смели кроеви – што конечно беа прикажани во колекциите за пролет/лето 2022. Од кошули, џемпери и дуксери до здолништа и шорцеви, моделите на самата ревија прикажале микро парчиња на облека, покривајќи ги само есенцијалните делови на телото.
На прв поглед на овие работи се наметна прашањето: кој ќе ги носи? Модниот бренд Miu Miu ни го даде одговорот побрзо отколку што мислевме: Сите. Во својата пролетна колекција за 2022, тие покажаа микро кроеви во главно беж, каки и сива боја, сакајќи да ги задржат намалените деловни нијанси, но во многу секси изглед, велејќи: Канцелариски стил, но „make it sexy“.
Трендот на мини кроеви имаше одличен одек, пред се кај познатите дами и ИТ девојките, па Никол Кидман избра тексас комплет за насловна на Vanity Fair. Микро топ и мини здолништето што ги комбинирала со сиви чорапи и кафено-беж сандали, актерката секако ги истакнала витките нозе, но пред се – совршените стомачни.
И Хејли Бибер за едиторијалот на Miu Miu не почести со истиот тексашки изглед, додека варијантите со кошули и џемпери преовладуваа со Chiara Ferragni и Saweetie кои можете да ги видите во нашата галерија, како и оригинални креации веднаш од модните писти.
