Три големи холивудски актерки како трите најважни први дами во реализацијата на серијалот „Првата дама“.
Трите големи холивудски имиња, Виола Дејвис, Мишел Фајфер и Џилијан Андерсон, се Мишел Обама, Бети Форд и Елинор Рузвелт, односно во серијата „Првaта дама“ ги толкуваат сопругите на познатите американски претседатели Барак Обама, Џералд Форд и Френклин Делано Рузвелт, а од женска страна го прикажуваат како изгледа животот во Белата куќа. „За четири години не сакам да гледам наназад и да се прашувам себеси во што се претворив кога живеев во Белата куќа“, со таа реченица, која ја изговара Виола, започнува првата најава на една од најочекуваните ТВ серии. „Првата дама“ ќе се појави на малите екрани на 17 април на каналот Шоутајм. Виола е Мишел Обама, Мишел Фајфер е Бети Форд, а Андерсон е Рузвелт. Секој од нив на свој начин го иницираше и го стави значењето на борбата за правата на жените во општествениот фокус, па во серијалот ќе видиме пресек на најважните настани кои го одбележаа минатото и почетокот на 21 век.
Еленор Рузвелт (1884 – 1962) е првата дама на САД со најдолг стаж во Белата куќа, каде што помина повеќе од дванаесет години, до смртта на нејзиниот сопруг, 32-риот претседател на САД Френклин Д. Рузвелт. Како прва дама, таа ги поддржувала движењата за граѓански слободи и права на Афроамериканците, а за време на Втората светска војна претседавала со Комитетот за цивилна заштита, а подоцна останала исклучително активна, дури и по смртта на нејзиниот сопруг, со кого помина 40 години.
Американскиот претседател Џералд Форд е вториот сопруг на Елизабет Ен Форд, или Бети Форд (1918-2011), а парот се венчал по разводот од Вилијам Г. Ворен, нејзината младешка љубов, од која се развела. Како мајка, таа никогаш физички не казнувала ниту едно од нејзините четири деца, а отворено зборувала за придобивките од психијатријата, се залагала за правата на жените и била покровител на организациите за лекување и превенција од рак на дојка, болест што доведе до мастектомија. Таа е позната и како покровител на многу уметници и јавно го поддржа правото на жените на абортус.
Адвокатката Мишел Обама (58) во двата мандата како прва дама на САД ги поддржа правата на ЛГБТ заедницата, правото на децата на здрава исхрана, образование и здравствена заштита, организираше помош и поддршка за најранливите групи како што се бездомниците и корисниците на јавната кујна. Таа во моментов е фокусирана на запишување американски граѓани со право на глас во избирачкиот список, во желба до крајот на годината нивниот број да се зголеми на еден милион.
